Descubre o conxunto de arcos rochosos máis importantes da península ibérica
MAREAS VIVAS NAS CATEDRAIS
MAREAS VIVAS
NAS CATEDRAIS
Monumento Natural
Aínda que o seu nome orixinal era “Praia de Augasantas”, hoxe é coñecida como “Praia das Catedrais” pois as súas formacións rochosas lémbrannos os arcobotantes das catedrais góticas. Declarada Monumento Natural en 2005, é ademais un dos LICs (Lugares de Importancia Comunitaria), da Rede Natura 2000, Zona de Especial Protección dos Valores Naturais, así como Reserva da Biosfera desde 2007. Como cada ano renovou a Bandeira Azul e a Q de Calidade Turística.
Localización
Situada na parroquia ribadense da Devesa, é un dos principais destinos
turísticos de Galicia e é considerada como unha das praias máis bonitas do mundo.
Se queremos visitar esta praia e camiñar o areal, é imprescindible acudir en marea baixa. A baixamar é o momento do día en que a auga do mar alcanza a súa mínima altura dentro do ciclo das mareas. A marea non sempre baixa os mesmos metros xa que depende das fases lunares, é en mareas vivas cando máis se retira a auga e poderemos facer unha visita máis completa da praia.
Mareas vivas nas Catedrais
Desde o Concello de Ribadeo, este ano 2023, puxemos en marcha unha nova iniciativa baseada no turismo xeolóxico de inverno coa que pretendemos mostrar a importancia do Monumento Natural praia As Catedrais nos mellores momentos do ano (mareas vivas).
“Mareas Vivas Nas Catedrais” busca dar a coñecer a importancia deste espazo natural a través dunha ruta xeolóxica (XeoRuta) interpretada por un xeólogo profesional.
Ademais, coa túa reserva podes gozar do 10% de desconto nos aloxamentos
adheridos a “Mareas Vivas Nas Catedrais”.
Ademais, coa túa reserva podes gozar do 10% de desconto nos aloxamentos adheridos a Mareas Vivas Nas Catedrais”.
Cómo participar
Adéntrate nesta aventura e admira este espazo natural en Mareas Vivas. Durante a visita poderás descubrir, paso a paso, o proceso que deu lugar aos arcos rochosos da praia de As Catedrais, o maior conxunto de arcos rochosos da península ibérica e a explicación do porqué se concentran un número tan importante deles neste areal.
Accede ao noso calendario e selecciona a túa visita, cada mes terás tres opcións (días) nos que teñen lugar as mareas vivas. Unha experiencia incrible está asegurada. Estas
XeoRutas son totalmente gratuítas, só necesitas traer roupa axeitada.
O punto de encontro da actividade, será o punto de información turística das Catedrais:
1. Fai a túa reserva
en Mareas Vivas
2. Descarga o documento de
confirmación da actividade
3. Elixe o teu establecemento
favorito
4. Envía a túa reserva da XeoRuta por email ao establecemento
5. Consegue un 10%
de desconto
6. Goza de Ribadeo e
de toda a súa costa
*Promoción válida a través de reserva directa no establecemento e dispoñible só para aquelas reservas realizadas baixo este programa.
Non será acumulable a outras promocións.
*Promoción válida a través de reserva directa no establecemento e dispoñible só para aquelas reservas realizadas baixo este programa. Non será acumulable a outras promocións.